New York: Takim Obama-Abbas-Netanyahu

Presidenti Barack Obama tha
se është me rëndësi kritike
që udhëheqësit izraelitë dhe palestinezë të punojnë së
bashku për të zgjidhur
problemet dhe për të rifilluar bisedimet e ngecura të paqes.

Obama i bëri komentet të martën në New York pas një takimi të përbashkët me kryeministrin izraelit, Benjamin Netanyahu dhe presidentin palestinez Mahmud Abbas.

Obama tha se me gjithë historinë e mosbesimit mes dy palëve, ata duhet të gjejnë rrugën për të ecur përpara.

Në fillim të bisedimeve Obama i bindi të dy udhëheqësit të shtrëngonin duart dhe qëndroi pas ndërkohë që ata afroheshin drejt njëri tjetrit.

Obama tha se është bërë përparim drejt hedhjes së bazave për rifillimin e bisedimeve të paqes por mbetet shumë për të bërë.

Ai tha se kryenegociatori për Lindjen e mesme, George Mitchell do të takohet përsëri javën tjetër me zyrtarët izraelitë dhe palestinezë.